နန်းလွင်
မတ် ၂၆၊ ၂ဝ၁၃
နာကျင်မှု ၀မ်းနည်းမှု အော်ဟစ်သံတွေ မတရားမှုတွေ အကြိမ်ကြိမ်ကြားရတယ်
နားတွေပိတ်ထားတယ်ကြားရပြန်တယ်။
စစ်ပွဲကိုရောက်တယ်။ တရားတယ် မတရားတယ် ယုံကြည်ချက် အတွက်လူသတ်တယ်။
အပြစ်မဲ့သူတွေသေဆုံးတယ်။
ပဋိုပက္ခတွေ အမုန်းတရားတွေ အညိုးတရားတွေ၊ ဆာလောင်မှုတွေ ၊ဒေါသတွေ ။လူစိတ်ပျောက်ဆုံးပြီး
လူသတ်တယ်။နှလုံးသားဟာ ရေရှည်မှာ တောင့်မထားနိုင်ခဲ့ဘူး။
စစ်ပွဲ၊ ပဋိုပက္ခ ၊သေဆုံးသူတွေ၊
သွေးသံရဲရဲတွေငိုကြွေးမှုတွေ
သတင်းတစ်ပုဒ်ကို အဆုံးသတ်လိုက်ယုံနဲ့ ပျောက်မသွားဘူး
အတင်းမေ့ထားလည်း မသိစိတ်ထဲမှာ ရှိနေတယ်
သူတို့ငိုတယ် ကိုယ် အပြင်မှာ မငိုမိပေမယ့်နှလုံးသားထဲက လိုက်ငိုတယ်။
သူတို့ နာကျင်တယ်။ကိုယ် ရင်ထဲမှာလည်း မသိစိတ်မှာ လိုက်နာကျင်တယ်။
နှလုံးသား ဘယ်ဘက်ခြမ်း က ဘယ်သူကိုမှ မယ်မယ်ရရ မချစ်ရသေးပေမယ့်
ဒီအလုပ်နဲ့ တင် တော်တော်နာကျင်နေပြီ နှလုံးသားက ငိုကြွေးတတ်နေပြီ
အိမ်ပြန်ရောက်လို့ မျက်စိ မှိတ် ပြန်စဉ်းစားလိုက်ရင်ငိုကြွေးသံတွေနာကျဉ်းစွာ အော်သံတွေမတရားမှုတွေ
တန်းတူ မညီမျှမူတွေ
ခွဲခြားဆက်ဆံခံရမှုတွေ
အနိုင်ကျင့်ခံရတာတွေ
ယုံကြည်ချက်တွေရိုက်ချိုးခံရတာတွေ
အော်ဟစ်ညီးညူးသံတွေ
မပြီးဆုံးနိုင်သေးတဲ့စစ်ပွဲတွေ ။
အမြဲတစေလိမ်ညာနေတဲ့ လူတွေရဲ့စကားသံတွေ
အမြဲတစေ အလိမ်ညာခံနေရတဲ့ လူသားတွေရဲ့ စကားသံတွေ ။
ထုတ်ပြန်ချက်တွေ။အရေးပေါ်ကြေညာချက်တွေ ဖိနှိပ်ခံရမှုတွေ
ညဘက် အိပ်ခါနီး မျက်လုံးတွေ မှိတ်လိုက်တိုင်း မျက်ရည်က ကျလာတယ်။
ပဋိုပက္ခတွေကို အနီးကပ်မြင်ရတဲ့ ငါတို့နှလုံးသားတွေ နာကျင်လှပြီ
ငါတို့ ရင်တွေ ပေါက်ကွဲလုနီးနီးဖြစ်နေပြီ
စိတ်တွေကိုတင်းထားခဲ့တယ်။
မျှတမှု လက်ကိုင်ထားလို့ စိတ်ထဲမှာတော့နာကျင်ရတယ်
လုပ်သက် လေးနှစ်ခွဲကျော်
ဒီ တစ်နှစ်ခွဲကာလ အတွင်းမှာပဲ
ဒုက္ခသည် စခန်းများစွာကိုရောက်ဖူးပြီ
ယုံကြည်ချက်နဲ့ မျှတမှုအတွက် စစ်ကို တိုက်နေတဲ့သူတွေနဲ့ အနီးကပ် ရှိခဲ့ဖူးပြီ
လူသေများစွာကိုမြင်ဖူးပြီ
ငိုကြွေးနေတဲ့ မျက်ဝန်းများ စွာကို ဆွံအစွာ နဲ့ထိုင်ကြည့်ဖူးပြီ
မိသားစုဆုံးရူံးသွားလို့ငိုကြွေးနေသူကို ကိုယ့်မျက်ရည်တွေ အတင်းထိန်းထားပြီး မေးမြန်းခဲ့ဖူးပြီ
အပြစ်မဲ့ကလေးတွေသွေးရဲ သံရဲနဲ့ သေဆုံးတာကို မြင်ရလို့ ထွက်ပြေးပြီး ငိုခဲ့ဖူးပြီ။
မီးပင်လယ်တွေကို မြင်ခဲ့ဖူးပြီ
ပြောရင်းဆိုရင်း ရင်ဘတ်ထဲက အောင့်အောင့်လာတယ်။
မြန်မာပြည်က ထွက်ပြေးချင်စိတ်ပေါက်လာတယ်။
ပဋိုပက္ခတွေကို မုန်းတီးလာတယ်။ `
ပဋိပက္ခဖြေရှင်း ချင်သူဖြစ်လာတယ်။ ငြိမ်းချမ်းရေးသမားကြီးလည်း ဖြစ်ချင်လာတယ်။
စေ့စပ်ညှိနိ်ူင်းသူ ကြီးလည်းဖြစ်ချင်လာတယ်။
အရာရာကို စိတ်မရှည်တော့ပဲ အဆုံးသတ်ပေးချင်လာတယ်။
သတင်းထောက်အလုပ်ဟာ ကမ္ဘာ့ပေါ်မှာ စိတ်ဖိစီးမှုအများဆုံး အလုပ် အကိုင်ထဲမှာ နံပါတ် နှစ်ချိတ်တယ်။
သတ်သေမှု အများဆုံးအလုပ် အကိုင် ထဲမှာပါဝင်တယ်။
အသံတစ်ခုခုကြားတယ်။။ ရီကော်ဒါကိုကိုင်ထားမှရမယ်။ ကင်မရာကို ကိုင်ထားမှရမယ်။
အဲဒီနေရာကိုပြေးမှရမယ်။
တာဝန်ရှိတယ်။ အမှန်တရားရှိရတယ်။ မျှတမှုရှိရတယ်။ တိကျရမယ်
မမှားရဘူး။ ပြည်သူတွေ အမှန်တရားကိုသိရဖို့ အရေးကြီးတယ်
သန်းခြောက်ဆယ် သောပြည်သူတွေအတွက် အလုပ်လုပ်ရမယ်။
နှလုံးသား မနာကျင်ပါနဲ့ဦး မျက်ဝန်းတွေ မငိုပါနဲ့ဦး
နောက်ထပ် ပဋိပက္ခ မြင်ကွင်းတွေကို မြင်နိုင်ဖို့ အားမွေးပါဦးလို့ ကိုယ့်နှလုံးသားကို အားပေးတယ်။
နာကျင်နေတဲ့ နှလုံးသားလေးကို ခဏက အိပ်မွေ့ချထားတယ်။
အမှန်တရား အတွက်နှလုံးသားကို အိပ်မွေ့ချထားရတယ်
ပြည်သူတွေ အမှန်တရားကိုသိရဖို့ အရေးကြီးတယ်
သန်းခြောက်ဆယ် သောပြည်သူတွေအတွက် အလုပ်လုပ်ရမယ်။………….
ပြည်သူတွေ အမှန်တရားကိုသိရဖို့ အရေးကြီးတယ်
သန်းခြောက်ဆယ် သောပြည်သူတွေအတွက် အလုပ်လုပ်ရမယ်။…………………..
တစ်စုံတရာ ..အမှန်တရား အတွက်နှလုံးသားကို အိပ်မွေ့ချထားရတယ်
No comments:
Post a Comment