မြန်မာ့ အကျင့်ပျက်နိုင်ငံရေး - ဒေါက်တာတင့်ဆွေ

 မြန်မာနိုင်ငံဟာ အကတိလိုက်စားမှု အဆိုးဆုံးနိုင်ငံတနိုင်ငံဖြစ်ပါတယ်။ 

ရေးသူု = လယ်ရီယေဂင်
ဘာသာပြန် = ဒေါက်တာတင့်ဆွေ

မြန်မာနိုင်ငံမှာ အကတိလိုက်စားမှုလက္ခဏာတွေ ကြီးထွားနေတာဟာ ယုံကြည်မှုဆိုင်ရာပြဿနာကြီး ဖြစ်ပါတယ်။ သမတ ဦးသိန်းစိန်ရဲ့ ပြုပြင်ပြောင်းလဲရေး အစီအစဉ်မျှော်မှန်းချက်ကို လမ်းလွဲစေနိုင်ပါတယ်။ ဆက်သွယ်ရေးဝန်ကြီး အပါအဝင် အမဲစက်ထင်ပြီး ဖြစ်သူတွေကို တရားစွဲဆိုအရေးယူမလား၊ မယူဘူးလားဆိုတာဟာ တိုင်းပြည်ရဲ့ စစ်အုပ်ချုပ်ရေးကနေ ဒီမိုကရေစီ အပြောင်းအလဲဟာ ဖြစ်မယ်-မဖြစ်ဘူး ဆိုတာကို ဆုံးဖြတ်ကောင်း ဆုံးဖြတ်နိုင်ပါတယ်။


ဆယ်စုနှစ်များစွာ ဘာစစ်ဆေးမှုမှမရှိတဲ့ စစ်အုပ်ချုပ်ရေးကြောင့် မြန်မာဟာ နိုင်ငံတကာ အကျင့်ပျက်မှုစောင့်ကြည့်ရေးအဖွဲ့ အဆင့်သတ်မှတ်မှုမှာ ထိပ်ကနေ (အောက်ဆုံးပိုင်းမှာ) ရှိနေခဲ့ပါတယ်။ အခုတော့ ငွေကြေးပြုပြင်ပြောင်းလဲမှုတွေ၊ စီးပွါးရေး ဖွင့်ပေးမှုအစီအစဉ်တွေကနေ နိုင်ငံခြား ရင်းနှီးမြှုတ်နှံမှုကြီးတွေကို ဆွဲဆောင်နေပါပြီး ပိုင်ဆိုင်မှုတန်ဘိုးတွေလည်း တက်လာနေပါတယ်။ အရာရှိတွေကတော့ သူတို့ကိုယ်ကျိုးစီးပွါးအတွက် ရအောင်လုပ်နေကြတယ်လို့ သမတရုံးအတွင်းလူသတင်းတွေက ညွှန်ပြနေပါတယ်။

ဇန္နဝါရီလထဲမှာ စုံစမ်းစစ်ဆေးမှုစခဲ့တဲ့ ယခင် (MPT) မြန်မာ့ဆက်သွယ်ရေးနှင့် သတင်းအချက်အလက် နည်းပညာဝန်ကြီး ဦးသိန်းထွန်း သတင်းဟာ စစ်အုပ်ချုပ်မှုကနေ ဒီမိုကရေစီကို ပြောင်းလဲနေတဲ့ ကြားကာလမှာ အဓိကစီးပွါးရေးနဲ့ဆိုင်တဲ့ ဝန်ကြီးဌာနတွေမှာ စီမံခန့်ခွဲမှုအလွဲအမှားနဲ့ လာဘ်ပေးမှုတွေ ရှိနေပြီဆိုတာကို အချက်ပြလိုက်တာပါဘဲ။ ဦးသိန်းစိန်ရုံးကနေ ပြုပြင်ပြောင်းလဲရေးမှာ ချန်ပီယံလိုလုပ်ပြေနေပေမဲ့ ကျန်တဲ့ ဝန်ကြီးဌာနတွေကတော့ အရင်စစ်အုပ်စဉ်ကလိုဘဲ ပိုနေမြဲကျားနေမြဲအတိုင်း စခန်းသွားနေကြဆဲလို့ ပြောနိုင်ပါတယ်။

(ဗခ) သိန်းထွန်းနဲ့ ထိပ်တန်းအရာရှိတွေကို အရေးယူလိုက်တာဟာ ဦးသိန်းစိန်သက်တမ်း အတွင်းမှာ လူသိရှင်ကြား ပဌမဆုံးဖြစ်ပါတယ်။ နိုင်ငံခြားရင်းနှီးမြှုတ်နှံသူတွေက သြဘာပေးကြပါတယ်။ အများစုကနေ ဒိထက်ဒီ ပွင့်လင်းမြင်သာမှု ရှိလာဘို့နဲ့ ဥပဒေစိုးမိုးရေးကို ငွေတွေမဝင်ခင်လုပ်စေချင်ကြပါတယ်။

ဘယ်လိုဘဲ ဦးသိန်းစိန်ကနေ လှိုက်စားနေတဲ့လာဘ်ယူမှုနဲ့ ပြဿနာကြီးမားကြောင်းကို ဝန်ခံပြီး တိုက်ဖျက်ရေးကို စတင်နေပေမဲ့၊ စစ်တပ်နဲ့ဆက်နွယ်နေတဲ့ နိုင်ငံရေးသမားတွေကတော့ တရားဝင်အကတိလိုက်စားမှုနဲ့ ပြုပြင်ပြောင်းလဲရေးအပေါ် သက်ရောက်နိုင်တာကို လျှော့လျှော့ပေါ့ပေါ့ ပြောနေကြပါတယ်။

နေပြည်တော်မှာ ကြံ့ခိုင်ဖွံ့ဖြိုးရေးပါတီ ဒုဥက္ကဋ္ဌ ဦးဌေးဦးကတော့ လက်ရှိ အစိုးရလက်ထက်မှာရော အရင်စစ်အစိုးရ လက်ထက်မှာပါ အကတိလိုက်စားမှုတွေ ကျယ်ကျယ်ပြန့်ပြန့်ဖြစ်နေတယ် ဆိုတာကို ငြင်းဆိုပါတယ်။ “ကျွန်တော်တို့က အရင်တုံးကလည်း ဝန်ကြီးတွေပါဘဲ။ ကျွန်တော်တို့ လာဘ်မစားပါဘူး။ ကျွန်တော်တို့က တိုင်းပြည်ထဲမှာ အကတိလိုက်စားမှုကို နည်းအောင် ကြိုးစားနေတာပါ။ အစိုးရကနေ အကတိလိုက်စားမှုတွေ နည်းအောင် အပြင်းအထံ ကြိုးစားနေပါတယ်။ အစိုးရကဆောင်ရွက်လို့သာ အခုသတင်းမျိုးတွေ ထွက်ပေါ်လာတာ၊ မဟုတ်ရင် ဖုံးကွယ်နေမှာပါ။”

တကယ်တော့ အကတိလိုက်စားမှုသတင်းတွေ ဆက်ထွက်နေတာပါ။ (သဘွိုက်စ်) အပါတ်စဉ်ဂျာနယ်ကနေ နိုင်ငံတော်ရှေ့နေချုပ်ရဲ့ အတွင်းအစီရင်ခံစာထဲမှာ သတ္တုတွင်းအပါအဝင် ဝန်ကြီးဌာနပေါင်း ၆ ခုအတွင်းမှာ အကြီးအကျယ် လာဘ်စားမှုတွေ ရှိနေတယ်လို့ ပါရှိကြောင်း ထုတ်ဖေါ်လိုက်တဲ့အခါမှာ အယ်ဒီတာကို တရားစွဲပြီး၊ စွဲချက်ကို ပလပ်မှု မလုပ်ခင် တရားရုံးပေါင်း ၃ဝ မှာလိုက်ပြီး တရားရင်ဆိုင်ရစေပါတယ်။ ခုအထိတော့ အကတိလိုက်စားမှုအတွက် ဘယ်သူမှ တရားရင်မဆိုင်ရသေးပါ။

အကျင့်ပျက်မှု တိုက်ဖျက်ရေးက ထိပ်ပိုင်းနိုင်ငံရေးခေါင်းဆောင်တွေကို ဝိုင်းပတ်နေပါတယ်။ သိန်းစိန်နဲ့ ပါဝါရှိလှတဲ့ အောက်လွှတ်တော်ဥက္ကဋ္ဌ ရွှေမန်းအကြားကွာဟမှုကို ကျယ်စေပါတယ်။ သူတို့နှစ်ဦးလုံးဟာ အရင်စစ်အစိုးရတုံးကလည်း ထင်ရှားတဲ့ ခေါင်းဆောင်ပိုင်းမှာ လှုတ်ရှားခဲ့သူတွေဖြစ်ကြပါတယ်။ အခုတော့ ကြံ့ခိုင်ရေးပါတီတွင်းမှာ ၂ဝ၁၅ ကျရင် သမတအမည်စာရင်းရဘို့ရာ အားပြိုင်မှုက ပူလောင်လာနေပါပြီ။

အရင်စစ်အစိုးရလက်ထက်မှာတော့ လာဘ်စားမှုဆိုတာကို နိုင်ငံရေးရည်ရွယ်ချက်အတွက်သာ သုံးရှိခဲ့တာပါ။ ၂ဝဝ၄ တုံးက ထောက်လှမ်းရေးအကြီးအကဲနဲ့ ဝန်ကြီးချုပ်ဖြစ်တဲ့ ခင်ညွန့်နဲ့ သူ့လူတွေ အပါအဝင်ဖြစ်ပါတယ်။ အခုတော့ သုံးသပ်သူတချို့က ဆက်သွယ်ရေး ဝန်ကြီးဌာနကို စုံစမ်းစစ်ဆေးမှုတွေ လုပ်နေရင်း ရွှေမန်းရဲ့မိသားစု ပါလာမလား မှန်းဆနေကြပါတယ်။ ဒါကတော့ (ဗခ) ခင်ညွန့်တုံးကလိုဘဲ အာဏာပြိုင်မှုမျိုးဖြစ်ပါလိမ့်မယ်။

သိန်းထွန်းကတော့ နေအိမ်အကျယ်ချုပ်နဲ့နေရပြီး ထိပ်တန်းအရာရှိပေါင်း ၆ဝ၊ ကို စစ်ဆေးနေပြီး၊ သူတို့ထဲက ၂ဝ ကို ယာယီ ထိန်းသိမ်းထားပါတယ်။ ဒါလဲဘဲ တရားမရင်ဆိုင်ရဘူးလို့ မပြောနိုင်ပါ။ (ဦး) သိန်းထွန်းကလည်း သူ့ကိုသာ တကယ်တရားစွဲရင် သူ့အထက်က အကောင်ကြီးတွေကိုပါ ဖေါ်ထုတ်မယ်လို့ ခြိမ်းခြောက်ထားပါတယ်။ လက်ရှိ ကချင်ဝန်ကြီးချုပ်၊ အရင်ဆက်သွယ်ရေးဝန်ကြီး (ဗမခ) သိန်းဇော်ဟာလည်း စစ်ဆေးတာခံနေရပါပြီး။ သူအရိတ်အမြွက် ပြောတာတခုက အရင် MPT ဝန်ကြီးဌာန ထိပ်တန်းအရာရှိတဦးက ဒီအမှုမှာ အစိုးရသက်သေလုပ်နေတယ်လို့ ဖြစ်ပါတယ်။

စုံစမ်းစစ်ဆေးရေးမှာသက်ဆိုင်တဲ့ အရာရှိတဦးပြောတာက “ကျွန်တော်တို့ အားလုံးသိပါပြီ။” စုံစမ်းစစ်ဆေးရေးနဲ့ ဆက်နွယ်နေတဲ့ ရဲသတင်းရပ်ကွက်အဆိုအရ ငွေစက္ကူ ဒေါ်လာ ၂ သန်း ထည့်ထားတဲ့ လက်ဆွဲအိတ်ဟာ သိန်းထွန်း နေအိမ်ကနေရရှိပါတယ်။ ဒီငွေတွေ ဘယ်နိုင်ငံခြား ကုမ္ပဏီကနေလာသလဲ။ ဒီထဲမှာ တရုတ် Huawei (ဟွာဝေ) နဲ့ ZTE (ဇက်တီအီး) တို့ကိုလဲ ကန်ထရိုက်ရဘို့ပေးခဲ့တာလား သံသယရှိပါတယ်။

အာဏာပိုင်တွေက ဘန်ကောက်၊ ဟောင်ကောင်နဲ့ စင်္ကာပူတွေမှာရှိတဲ့ ဘဏ်အကောင့်တွေကိုလည်း လိုက်နေပါတယ်။ ကုမ္ပဏီတွေက အရင်နဲ့နောက်ဝန်ကြီးတွေ လက်ထက်နဲ့ဆိုင်တဲ့ စာရင်းဇယားတွေကို စုံစမ်းစစ်ဆေးသူတွေကို လိုလိုလာလား ထုတ်ပေးကြပါတယ်။

၂ဝဝ၄ တုံးက (ဇက်တီအီး) ကနေ MPT ကို Fixed phone lines ဖုန်းလိုင်း ၃ သိန်း တည်တောက်ဘို့ရာ ဒေါ်လာ သန်း ၁၅ဝ ချေးပေးခဲ့ပါတယ်။ ဒီကိန်းဂဏန်းဟာ တကယ့် ပရောဂျက်တန်ဘိုးထက် ၁ဝ ဆများပါတယ်။ ယှဉ်ကြည့်ရင် နီပေါမှာ ဖုန်းလိုင်းပေါင်း တသန်းအတွက် ဒေါ်လာ ၇့၅ သန်းသာ ZTE ကနေကမ်းလှမ်းခဲ့ပါတယ်။

သိန်းထွန်းဟာ နေအိမ်အကျယ်ချုပ်နေရတာမို့ လူသိရှင်ကြား တခွန်းမှ ပြောသံမကြားရပါ။ ဒီဌာနဝန်ကြီးနှစ်ယောက်လုံးဟာ အနားယူပြီဖြစ်တဲ့ ဗခမက သန်းရွှေနဲ့ နီးစပ်သူတွေ ဖြစ်ကြပါတယ်။ ဒေသခံကုမ္ပဏီတွေဖြစ်တဲ့ ထူးကုမ္ပဏီနဲ့ လက်အောက်ခံ Elite (အီလိ) နဲ့ Red Link (ရဒ်လင့်) တို့ဟာလည်း အစစ်ဆေးခံနေရပါတယ်။ Red Link (ရဒ်လင့်) ကို ရွှေမန်းရဲ့ သားအငယ် (တိုးနိုင်မန်း) ကပိုင်ပါတယ်။ သူက ၂ဝဝ၈ မှာ MPT ဝန်ကြီးဌာနနဲ့ ဖက်စပ်ပြီး (အင်တာနက်-ဆားဗစ်) လုပ်ပေးတာပါ။ ကမ္ဘာမှာ မြန်မာနိုင်ငံဟာ လူဦးရေရဲ့ ၂% သာ (အင်တာနက်) သုံးစွဲမှုရှိလို့ အနိမ့်ဆုံးစာရင်းဝင်ဖြစ်ပါတယ်။

ဘဏ္ဍာရေးဝန်ကြီး (ဦး) လှထွန်းဟာ အကတိလိုက်စားမှုတိုက်ဖျက်ရေးရှေ့ပြေးအဖြစ် ဦးသိန်းစိန်က စိတ်ချထားသူလို့ မြင်ကြပါတယ်။ တချို့သုံးသပ်သူတွေကတော့ အကတိလိုက်စားမှုကို နိုင်ငံရေးနောက်ဆက်တွဲတွေ ဘယ်လိုဖြစ်လာလာ တရားစွဲဆိုမှုတွေ လုပ်-မလုပ်ဆိုတာထက် အစိုးရထဲမှာ စီးပွါးရေးဆောင်ရွက်တာတွေမှာ နိုင်ငံခြား မိတ်ဖက်တွေ အပါအဝင် ပွင့်လင်းမြင်သာမှုနဲ့ တာဝန်ခံမှုတွေကို ပိုလုပ်လာခြင်းကို အလေးထားချင်နေကြပါတယ်။ ဦးသိန်းစိန်အနေနဲ့တော့ ဒီဟာကို ဆုံးဖြတ်ချက်ကို မချသေးပါဘူး။

သြစတြေးလျ (မကွဲယား) တက္ကသိုလ်က (ရှောင်-တားနား) ကထောက်ပြတာက "ဒီလို ချွင်းချက်ထားတာမျိုးဟာ စီးပွါးရေးပြုပြင်ပြောင်းလဲမှုအတွက် ရိုးရိုးလေးပေးတဲ့ (မက်ဆေ့) ကတော့ တိုင်းပြည်နဲ့ သာမန်လူတွေရဲ့ ဓနဥစ္စာတွေကို အဆက်အသွယ်ကောင်းသူတွေနဲ့ အာဏာရှိသူတွေကသာ ဆုပ်ကိုင်နိုင်တယ်” ဆိုတာသာ ဖြစ်တယ်။

မွေးမြူရေးနှင့်ငါးလုပ်ငန်းဝန်ကြီးဌာန ဝန်ကြီးဟောင်း မောင်မောင်သိန်းကိုလည်း စစ်ဆေးနေပါတယ်။ မတ်လထဲမှာ ဒီဝန်ကြီးဌာနက အကြီးတန်းဗြူရိုကရက် ခင်ကိုလေးကို သမတအမိန့်အရ အကျဉ်းနည်းနဲ့ အလုပ်ဖြုတ်ပြစ်ခဲ့ပါတယ်။ လက်ရှိဝန်ကြီး (ဦး) အုန်းမြင့် အလှည့်လာပါတော့မယ်။ သူ့ရဲ့ ပြင်သစ်ခရီးစဉ်ကို သမတကငြင်းပယ်ထားလိုက်ပါပြီ။ ကချင်ဆွေးနွေးပွဲ တာဝန်ကိုတော့ အကြောင်းပြချက်တခုအနေနဲ့ ပြောနိုင်ပါတယ်။

တခြားသတင်းတွေအရ ပြည်ထဲရေးဝန်ကြီး (ဗခက) ကိုကို ဟာလည်း စစ်ဆေးတာ ခံနေရတယ် ဆိုပါတယ်။ လာဘ်စားမှုနဲ့လို့ ယူဆနိုင်ပါတယ်။ သူ့ဘက်ကတော့ (အင်တာနက်) သတင်းကို ငြင်းထားပါတယ်။ မြန်မာ့ရေမြေ ရာသီဥတုနဲ့ မလျှော်တဲ့ ဆန်မျိုးသစ် တင်သွင်းမယ်ဆိုတဲ့ စိုက်ပျိုးရေးဝန်ကြီး မြင့်လှိုင်ကိုလည်း မေးခွန်းထုတ်နေပါသေးတယ်။

NLD ပါတီခေါင်းဆောင်တဦးဖြစ်တဲ့ ဦးဥာဏ်ဝင်းကတော့ “ကျွန်တော်တို့ လာဘ်စားမှုတွေ သိနေကြတာပဲ။ လူတိုင်းကလည်း သိကြတာပဲ။ ဝန်ကြီးတွေလည်း အကတိလိုက်စားတာ သက်သေရှိရင် တရားစွဲရမှာပေါ့။ ဘယ်အဆုံးထိရောက်ရောက်။”

နိုင်ငံရေးသုံးသပ်သူတချို့ကတော့ သက်သေတွေတော့ စုဆောင်းနေတယ်။ ဒါပေမဲ့ တရားစွဲဆိုဘို့အထိ မဟုတ်ဘူး။ သမတလုပ်ချင်နေတဲ့ ရွှေမန်းကို ထိန်းဘို့ဖြစ်မယ်။ အစိုးရ သတင်းရတဲ့ဆီကနေ ပြောတာကလည်း “ရွှေမန်းကို (ဘလက်မေးလ်) အကြပ်ကိုင်ဘို့အတွက် အချက်အလက်တွေ ရှိထားပါပြီ” တဲ့။

တချို့ယုံကြည်ကြတာတခုကတော့ ကြံ့ခိုင်ရေးပါတီဟာ လာမဲ့ ၂ဝ၁၅ ရွေးကောက်ပွဲမတိုင်ခင် ပါတီတွင်း သန့်ရှင်းရေး လုပ်နေတာသာ ဖြစ်တယ်။ ကြံ့ခိုင်ဖွံ့ဖြိုးရေးပါတီ ဒုဥက္ကဋ္ဌ ဦးဌေးဦး ပြောတာက “ရှိပါတယ်။ ပါတီထဲမှာ မတူတာတွေ ရှိပါတယ်။ ဒါပေမဲ့ ညင်ညင်သာသာ လူကြီးလူကောင်းလို ဖြေရှင်းပါတယ်။ ပါတီကိုထိခိုက်စေမှာ မဟုတ်ပါဘူး။”

(ဤနေရာမှကူးယူပါသည်။)
မူရင်းလင့်ခ် = http://www.atimes.com/atimes/Southeast_Asia/SEA-01-050413.html