October 06, 2013

အင်တာနက်လိုင်းမကောင်းလို့ Youtube ကြည့်ဖို့မရတဲ့ အတွက် မခွန်ဂျာနဲ့၂မိနစ် Text & Audio


မခွန်ဂျာနဲ့၂မိနစ်အသံဖိုင်သေးသေး 0.8mb နားဆင်ရန် နဲ့ အကျဉ်းချုပ်စာသားလေး ရိုက်ပေးလိုက်ပါတယ်။
မခွန်ဂျာ။ ကျမရဲ့မွေးဇာတိ နောင်လေးပန်ကျေးရွာ၊ ဗန်းမော်မြို့နယ်မှာ ထပ်တိုးပြီးချထားတဲ့စစ်တပ်နဲ့ကချင်လက်နက်ကိုင်များ အကြီးအကျယ်တိုက်ကြပါတယ်။ ကျောင်းသား၉၀၀ကျော်ရှိတဲ့ ကျောင်းရဲ့နောက်ဖက်မှာပဲ တိုက်ပွဲစတင်ပါတယ်။ ကျမတို့ကချင်များရဲ့အနာဂါတ်ပညာရေးကို မျှော်လင့်ချက်မဲ့စေပါတယ်။ ဒါတင်ပဲလားဆိုတော့ တလောက ကျမငြိမ်းချမ်းရေးလုပ်ခဲ့တဲ့ ဟိုး...ပူတာအိုမြို့နယမ်မှာလည်း ခေါင်းဖျက်သတ်တယ်ဆိုတဲ့ သတင်းကို စစ်တပ်ကကြေငြာပြန်ပါတယ်။ ဒါမျိုးတွေမလုပ်ကြောင်း အဲဒီပူတာအိုက ငြိမ်းချမ်းရေးအဖွဲ့တွေကို ဖုန်းဆက်မေးနိုင်ပါတယ်။ ဒီလို ၂ဦး၂ဖက် ယုံကြည်ချက်ပျက်ပြားစေတဲ့လုပ်ရပ်မျိုးတွေဟာ ငြိမ်းချမ်းရေးကိုများစွာထိခိုက်စေလို့ ကျမအပြင်းအထန်ရှုံချပါတယ်။ ကချင်-မြန်မာ ရန်တိုက်ပေးသလိုဖြစ်နေပါတယ်။  မြန်မာပိစ်ကောင်စီ လူကြီးတွေကိုလည်း အပြောအဆိုသိမ်မွေ့ဖို့ မေတ္တာရပ်ခံပါတယ်။ သူတို့ပြောကြားချက်အချို့ဟာ ကျမတို့ကို အလွန်ထိခိုက်နစ်နာစေပါတယ်။ ကျေးဇူးတင်ပါတယ်။
အသံဖိုင် Download Link & Listen (Credit: Larchid Kachin Facebook)
http://murann.com/ngunjawa/kachin.bamar.trust.need.mp3

မှတ်ချက်။
ကချင်ပြည်နယ်၏သယံဇာတများကို အပိုင်စီးထားသူ လူတစ်စု၊ မန္တလေး-မြစ်ကြီနာ-ဗန်းမော် ကားလမ်းတစ်ခု မိုင်း၃၀၀ကျော်ကို ၃နှစ်အမြန်ဆောက်ပေးရန်၊ အင်ဂွန်ဂျာဝါမှ တောင်ဆိုပါသည်။ ကချင်ပြည်နယ်သယံဇာတများ တစ်နှစ်ဝင်ငွေမှာ ကျောက်စိမ်း ကန်ဒေါ်လာသန်း၂၀၀၀ကျော်၊ ရွှေ ကန်ဒေါ်လာသန်း၅၀၀ကျော်၊ ကျွန်းသစ် ကန်ဒေါ်လာသန်းတစ်ထောင်ခန့်၊ လျှပ်စစ် ကန်ဒေါ်လာသန်း၅၀၀ခန့်၊ အခြားများစွာသော သစ်တော၊ပန်းမာလာ၊သတ္တုပစ္စည်းများဖြစ်ပါသည်။ တစ်နှစ်ရသောဝင်ငွေကို အခွန်ကောက်ပြီး ၂၀ရာနှုန်းကို မြန်မာနိုင်ငံတော်ကိုပေးပြီး၊ ၅ရာနှုန်းသာ အင်ဂွန်ဂျာဝါနှင့်အဖွဲ့ကို စီမံခန့်ခွဲခွင့်ပေးပါလျှင် မန္တလေး-မြစ်ကြီးနား-ဗန်းမော်လမ်းမကြီးကို ၃နှစ်အတွင်း ဖောက်ပေးမည်ဖြစ်ကြောင်း ကြေငြာအပ်ပါသည်။ (ရတာအကုန်လုံးယူနေသော လူတန်းစားများအတွက် မှတ်ချက်ဖြစ်ပါသည်)။

No comments:

Post a Comment