Wa will not budge from Thai border areas

S.H.A.N
May 23, 13

The United Wa State Army (UWSA) and the people it had brought down from the Sino-Burmese border will not move house back from the Thai-Burmese border areas where it has been allowed to reside since the 1990s, according to well known analyst Aung Kyaw Zaw, who is reportedly close to the Wa.

ဝတပ်ဖွဲ့ - တရုတ် - မြန်မာ ဆက်ဆံရေး (အသံ)

အသံနားဆင်ရန်

ဦးကျော်ဇံသာ က UWSA နဲ့ တရုတ်အစိုးရ ဆက်ဆံရေးက မြန်မာနိုင်ငံအပေါ် ဘယ်လိုဂယက်ရိုက်ခတ် လာနိုင်မလဲဆိုတာကို ဒေသရေးရာ လေ့လာစောင့်ကြည့်နေသူများဖြစ်တဲ့ သတင်းစာဆရာကြီး Bertil Lintner နဲ့ မြန်မာ့အရေးသုံးသပ်လေ့လာနေသူ ဦးအောင်ကျော်ဇော တို့နဲ့ သုံးသပ်ဆွေးနွေးထားပါတယ်။

UWSA လက်ဝယ်ရှိ Mi17 ရဟတ်ယာဉ်နှင့် ပတ်သက်သမျှ (အသံ)

RFA

Apr 30, '13

"ဝ"ပြည်သွေးစည်းညီညွတ်ရေးတပ်မတော် UWSA ကို တရုတ်နိုင်ငံက တိုက်ခိုက်ရေး ရဟတ်ယာဉ်တွေ ပေးပို့ခဲ့တယ်လို့ နာမည်ကျော် Jane’s  Defence Weekly အပတ်စဉ်ထုတ် ကာကွယ်ရေး စာစောင်က ဧပြီလ ၂၉ ရက်နေ့မှာ ထုတ်ဖော်ရေးသားလိုက်ပါတယ်။

TY-90 အမျိုးအစား ဝေဟင်က ဝေဟင်ပစ် ဒုံးကျည်လက်နက်တွေ တတ်ဆင်ထားတဲ့ Mi-17 အလတ်စား ရဟတ်ယာဉ် တွေကို ဖေဖော်ဝါရီ လကုန်ပိုင်း နဲ့ မတ်လဆန်းမှာ ပေးပို့ခဲ့ကြောင်း မြန်မာအစိုးရနဲ့ တိုင်းရင်းသားအဖွဲ့တွေရဲ့ သတင်းရပ်ကွက်တွေကို ကိုးကားပြီး Jane’s  Defence Weekly စာစောင်က ရေးသားထားပါတယ်။

အဲဒီ Mi-17 ရဟတ်ယဉ်တွေကို ရုရှားနိုင်ငံမှာထုတ်လုပ်ပြီး ကမ္ဘာအနှံ့ ရောင်းချရာမှာ များမကြာမှီကတင် တောင်တန်းဒေသတွေမှာပျံသန်းဖို့အတွက် အထူးမွမ်းမံထားတဲ့ အင်ဂျင်မျိုးအစားတွေထည့်သွင်း တပ်ဆင်ပြီး တရုပ်နဲ့ ဗင်နီဇွဲလားနိုင်ငံတွေကို ရောင်းချခဲ့ကြောင်းသိရပါတယ်။ TY-90 အမျိုးအစားဒုံးကျည်တွေကတော့ တရုတ်နိုင်ငံထုတ်လက်နက် ဖြစ်ပါတယ်။

ဦးအောင်ကျော်ဇော်နှင့် RFA မေးမြန်းချက် >>>

UWSA ကို တရုတ်က ဝေဟင်-ဝေဟင် ဒုံးတပ်ဆင်ထားသော စစ်ရဟတ်ယာဉ်များပေးပို့

Apr 30, '13

ဧရာဝတီ

To read this story in english>>>

တရုတ်နိုင်ငံက မြန်မာနိုင်ငံမှ “၀” ပြည် သွေးစည်း ညီညွတ်ရေး တပ်မတော် (UWSA) သို့ လက်နက် တပ်ဆင်ထားသည့် တိုက်ခိုက်ရေး ရဟတ်ယာဉ်များ ပေးပို့ခဲ့ကြောင်း ကာကွယ်ရေးနှင့် လုံခြုံရေးဆိုင်ရာ Jane’s Intelligence Review မဂ္ဂဇင်းက ဖော်ပြလိုက်သည်။

UWSA အဖွဲ့သည် ပထမဆုံး အကြိမ်အဖြစ် တရုတ်နိုင်ငံမှ လက်နက်တပ်ဆင်ထားသည့် စွမ်းဆောင်ရည်မြင့် ကာကွယ်ရေးပစ္စည်းများ အကူအညီရခဲ့ကြောင်း၊ UWSA က လက်နက် အမြန်တပ်ဆင်ရေး နောက်ဆုံး ကြိုးပမ်းမှု အစီအစဉ်တခုလည်း ဖြစ်ကြောင်း အဆိုပါ သတင်းတွင် ဖော်ပြထားသည်။

တရုတ်နိုင်ငံက TY 90 ဝေဟင်မှ ဝေဟင်ပစ် ဒုံးကျည်လက်နက် တပ်ဆင်ထားသည့် Mi-17 အမျိုးအစား အလတ်စား သယ်ယူပို့ဆောင်ရေး ရဟတ်ယာဉ်များကို ဖေဖော်ဝါရီ လကုန်ပိုင်းနှင့် မတ်လဆန်းက UWSA သို့ လွှဲပြောင်းပေးခဲ့ကြောင်း တိုင်းရင်းသား လက်နက်ကိုင် အဖွဲ့တချို့နှင့် မြန်မာ အစိုးရ သတင်းရင်းမြစ်များကို ကိုးကားပြီး အဆိုပါမဂ္ဂဇင်းက ရေးသားထားသည်။

Mi-17 အမျိုးအစား ရဟတ်ယာဉ်များသည် တရုတ်နိုင်ငံမှ တိုက်ရိုက်ရောက်ရှိလာခဲ့ခြင်း မဟုတ်ဘဲ လာအိုနိုင်ငံမှတဆင့် မဲခေါင်မြစ်ကို ဖြတ်သန်းကာ “၀” တိုင်းရင်းသား ထိန်းချုပ်နယ်မြေသို့ ရောက်ခဲ့ကြောင်း၊ တရုတ်နိုင်ငံက ပေးပို့လိုက်သော ရဟတ်ယာဉ်မှာ ၅ စီးဖြစ်ကြောင်း၊ သို့သော်လည်း မြန်မာအစိုးရ သတင်းရင်းမြစ်တခု၏ အတည်ပြုချက်အရ UWSA ထိန်းချုပ်နယ်မြေသို့ ရောက်ရှိလာသည့် ရဟတ်ယာဉ်မှာ ၂ စီးသာဖြစ်ကြောင်း အဆိုပါ သတင်းတွင် ဖော်ပြထားသည်။

တိုင်းရင်းသား လက်နက်ကိုင် သတင်းရင်းမြစ်တခုအား ကိုးကားချက်အရ Mi-17 ရဟတ်ယာဉ်များသည် တရုတ်နိုင်ငံလုပ် TY-90 အမျိုးအစား တာတို ဝေဟင်မှ ဝေဟင်ပစ် ဒုံးကျည်လက်နက် တပ်ဆင်ထားကြသည်ဟု ဆိုသည်။

အဆိုပါ သတင်းမှန်ကန်ပါက TY-90 အမျိုးအစား ဒုံးကျည်သည် မကြာသေးခင်က ရုရှားနိုင်ငံမှ မြန်မာနိုင်ငံသို့ ပေးခဲ့သော Mi-24P Hind အမျိုးအစား တိုက်လေယာဉ်များကို ထိရောက်စွာ ဟန့်တားနိုင်မည်ဟု သိရှိရသည်။ အဆိုပါ Mi-24P Hind တိုက်လေယာဉ်များကို မကြာသေးမီက ကချင်လွတ်လပ်ရေး တပ်မတော် (KIA) နှင့် တိုက်ပွဲများတွင် မြန်မာအစိုးရ တပ်မတော်က အသုံးပြုခဲ့သည်။

UWSA အဖွဲ့သည် ရှမ်းပြည်မြောက်ပိုင်း တရုတ်နယ်စပ် တလျှောက် နယ်မြေတခုကို ထိန်းချုပ်ထားပြီး ယခုအခါ မြန်မာ့တပ်မတော်နှင့် အပစ်အခတ် ရပ်စဲရေး သဘောတူညီထားမှုသည်လည်း အထိအခိုက် မခံသည့် အခြေအနေတွင် ရှိသည်။

UWSA သို့ စစ်လက်နက်များ ရောင်းချပေးသည်ဟူသော စွပ်စွဲချက်များ မဟုတ်မှန်ကြောင်း မြန်မာနိုင်ငံဆိုင်ရာ တရုတ်သံရုံးက ယခုနှစ် ဇန်နဝါရီ လကုန်ပိုင်းက ငြင်းဆိုခဲ့သေးသည်။ ၂၀၁၂ ခုနှစ် နှစ်လည်ပိုင်းက တရုတ်လုပ် PTL02 ဘီးတပ်တင့်ကားများ UWSA က ရရှိခဲ့ကြောင်း Jane’s Intelligence Review ၏ သတင်းရေးသားချက်ကို တရုတ်သံရုံးက ငြင်းဆိုခဲ့ခြင်း ဖြစ်သည်။

ဝ လူမျိုးသည် တရုတ် မဟုတ်ပါ (ရုပ်သံ)

 

မြန်မာနိုင်ငံရှိ “ဝ” တိုင်းရင်းသားလူမျိုးစုတစ်စု၏ရင်ဖွင့်သံ - အိုင်ဗော့

အိုင်ဗော့

ယခုလတ်တလော သန်း (၆၀) သော မြန်မာပြည်သူတို့၏ အကျိုးဆိုသော စကားလုံးသည် အစိုးရ တာဝန်ရှိသူများ အပြင် စာနယ်ဇင်းများ၊ အခြားနယ်ပယ် အသီးသီးမှ အဖွဲ့အစည်းများနှင့် ထင်ရှားသော ပုဂ္ဂိုလ်အတော်များများတို့တွင် တွင်တွင်ကျယ်ကျယ် တစိုက်မတ်မတ် သုံးစွဲလာသော စကားတစ်ခု ဖြစ်နေပါသည်။ ထိုသန်း (၆၀) ဆိုသော မြန်မာနိုင်ငံတစ်ဝှမ်းရှိ လူဦးရေသည် (၁၃၅) မျိုးသော တိုင်းရင်းသား လူမျိုးပေါင်းစုံတို့၏ အစုအဖွဲ့ပင် ဖြစ်သည်ဟုလည်း လူတိုင်းက နားလည်ထားကြပါသည်။ သို့ရာတွင် ပထမနိုင်ငံသား ဒုတိယနိုင်ငံသား ဟူ၍ တိုင်းရင်းသားလူမျိုးများအပေါ် မြန်မာအစိုးရ၏ အဆင့်ခွဲခြား သတ်မှတ်မှု သဘောထားများကိုလည်း တွေ့မြင်နေရသည့်အတွက် လူဦးရေသန်း(၆၀)အတွင်း မှအကန့်သတ်ခံလူမျိုးများ၏ အခွင့်အရေးဆိုသည်မှာ ဝေခွဲမရဝေဝါးစွာ ဖြစ်တည်လျက် ရှိနေပါသည်။ ၎င်း အကန့်အသတ်ခံ တိုင်းရင်းသားများစွာတို့အနက်မှ လူမျိုးစုတစ်စုအား မီးမောင်းထိုးတင်ပြခွင့် ရှိမည်ဆိုပါလျှင် လူဦးရေတစ်သန်းနီးပါး (၇သိန်းကျော်ရှိ) “ဝ” တိုင်းရင်းသား လူမျိုးများအကြောင်းအား တင်ပြချင်ပါသည်။

ဝ ပြည်နယ်ထူထောင်ခွင့်ပေးဖို့ လွှတ်တော်မှာသာ အာဏာရှိကြောင်းဦးအောင်မင်းပြော

သျှမ်းသံတော်ဆင့်
ဧပြီ ၃၊ ၂ဝ၁၃

လားရှိုးငြိမ်းချမ်းရေးဆွေးနွေးပွဲမှ ဝ ပြည်သွေးစည်းညီညွတ်ရေးတပ်မတော်မှ တင်ပြတောင်းဆိုသည့် ၀ ပြည်နယ်ထူထောင် ခွင့်ပေးရန်အတွက် အာဏာမှာ လွှတ်တော်အတွင်း၌သာရှိကြောင်း ဦးအောင်မင်းက ပြောပါသည်။

“ ဆွေးနွေးပွဲဖွင့်ပွဲရက်မှာဘဲ ဝ ပြည်နယ်ကိုယ်စားလှယ်အဖြစ်တက်ရောက်တဲ့ သျှောင်းဆမ်ခွန်းရဲ့ ဝ ပြည်နယ် ထူထောင် ခွင့်ပေးဖို့ တောင်းဆိုတဲ့ကိစ္စ။ ဖွင့်ပွဲပြီးဆုံးတော့ သျှောင်းဆမ်ခွန်းက ဦးအောင်မင်းနဲ့တွေ့တယ်။ ဦးအောင်မင်းက သူ့ကိုပြော လိုက်တယ်။ ၀ ပြည်နယ် ပေးဖို့ကိစ္စ သူ့မှာ ဘာအာဏာမှ မရှိဘူး။ လွှတ်တော်ထဲမှာဘဲ ဆုံးဖြတ်ခွင့်အာဏာ ရှိတယ် လို့ပြောတယ်” ဟု ဆွေးနွေးပွဲတက်ရောက်သူ တဦးကပြောသည်။

" ဝ " ကိုယ်ပိုင်အုပ်ချုပ်ရ ပြည်နယ်အတွက် ဆက်တောင်းဆိုမည် UWSA ဆို

ရှမ်း- ကယား ညီလာခံမှာ တွေ့ ရတဲ့ UWSA မှ ဆမ်ခွန်း

ဧရာဝတီ
မတ်လ ၂၂၊ ၂ဝ၁၃

ရှမ်းပြည်နယ် မြောက်ပိုင်းလားရှိုးမြို့တွင် ကျင်းပသည့် ရှမ်းပြည်နယ်နှင့် ကယားပြည်နယ် ငြိမ်းချမ်းရေးအတွက် ယုံကြည်မှု တည်ဆောက်ခြင်း ဆွေးနွေးပွဲသို့ လာရောက်လေ့လာသည့် မြန်မာနိုင်ငံ အထူးဒေသ ၂  “၀” ပြည် သွေးစည်းညီညွတ်ရေး တပ်မတော် (UWSA) မှ ပြည်ပ ဆက်ဆံရေး ဒု – ဌာနကြီးမှူး ဦးဆမ်ခွန်းအား ၎င်းတို့ UWSA ၏ လက်ရှိ လုပ်ဆောင်ချက်၊ အစိုးရအပေါ် အမြင်နှင့် ၎င်းတို့၏ ရှေ့လုပ်ငန်းစဉ်များနှင့် ပတ်သက်၍ ဧရာဝတီ သတင်းထောက် နန်းဆိုင်နွမ်က တွေ့ဆုံမေးမြန်းခဲ့ပါသည်။

မေး။    ။ လက်ရှိ UWSA အနေနဲ့ လုပ်ဆောင်ချက်တွေကို ပြောပြပေးပါ။
ဖြေ။    ။ လုပ်ဆောင်ချက်ဆိုရင် ဘာမှမရှိဘူး။ ကျနော်တို့ဆီက မိမိဒေသ ဖွံ့ဖြိုးရေး လုပ်ငန်းတွေ၊ အဓိက ကျန်းမာရေး ၀န်ထမ်း၊ ပညာရေး ၀န်ထမ်းတွေကိုပဲ တောင်းဆိုပါတယ်။ ဒါတွေကို လုပ်ဆောင်ပေးထား ပါတယ်။ ကျန်တဲ့ စစ်တပ်တို့၊ အုပ်ချုပ်ရေး ၀န်ထမ်းတို့ကိုတော့ ကျနော်တို့ဆီမှာ အ၀င်မခံဘူး။

မေး။    ။ ငြိမ်းချမ်းရေး အတွက် ဘယ်လောက်အထိ မျှော်လင့်ချက် ထားပါသလဲ။
ဖြေ။    ။ ကျနော်တို့ကို “၀” ဗဟိုက မှာထားတယ်။ ဒီအစည်းအဝေးက ကျနော်တို့ကို ဖိတ်တဲ့ အတွက်ကြောင့် သွားသင့်တယ်၊ လာရောက်လေ့လာတဲ့ အဆင့်ပါပဲ။ တိုင်းရင်းသား ညီအစ်ကို လက်နက်ကိုင် အဖွဲ့အစည်းတွေရဲ့ သဘောထားကို လာလေ့လာတဲ့ အဆင့်ပဲ။ ဒီကနေ အစည်းအဝေးတက်ပြီးတော့ “၀” ပြည်ကိုရောက်ရင် ကျနော် မှတ်ထားတဲ့ မှတ်တမ်းတွေ ဟိုမှာ ပြန်ပြီးရှင်းပြမယ်၊ ချပြမယ်။ ကျနော်တို့ “၀” ဗဟိုက ပြန်သုံးသပ်မယ်။ ဒါပါပဲ။ ကျနော်တို့ စာတမ်းလည်း မပြုစုပါဘူး။

မေး။     ။ တရုတ်အစိုးရနဲ့ “၀” ပြည် စည်လုံးညီညွတ်ရေး ပါတီတို့ရဲ့ ဆက်ဆံရေး အပိုင်း ဘယ်လိုရှိပါသလဲ။
ဖြေ။    ။ ဒါကတော့တရုတ်နဲ့ “၀” က နယ်နိမိတ်ချင်း ဆက်နေတော့ ဟိုအရင်ကတည်းက နှစ်ဘက်ပြည်သူတွေပါ။ ဟိုဘက် နိုင်ငံကလည်း ကျနော်တို့ “၀” တိုင်းရင်းသားတွေပါပဲ၊ ဒီဘက်ကလည်း ကျနော်တို့ “၀” တိုင်းရင်းသားတွေပါ။ အဲဒီတော့ လူမှုရေးရော၊ စီးပွားရေးပါ နေ့စဉ်နဲ့အမျှ သွားလာဆက်သွယ်မှုတော့ ရှိတယ်။ တရုတ်ပြည်နဲ့ ကျနော်တို့က ကုန်သွယ်ရေး ဆက်သွယ်မှု၊ ဆက်ဆံရေးပဲ ရှိပါတယ်။ “၀” ပြည်တခုလုံးက စီးပွားရေးနဲ့ ပတ်သတ်ပြီးတော့ တရုတ်ပြည်မှာပဲ ဈေးကွက်ရှိတယ်။ တရုတ်ပြည်နဲ့တော့ ပိုပြီး ဆက်ဆံရေး၊ ဆက်သွယ်ရေး ရှိပါတယ်။ စီးပွားရေးနဲ့ ပတ်သက်လို ဆက်ဆံတာ နေ့စဉ်နဲ့အမျှ ရှိပါတယ်။

မေး။    ။ လက်ရှိ “၀”  ပြည်နယ်မှာ မူးယစ်ဆေးဝါး တိုက်ဖျက်ရေးကိစ္စနဲ့ ပတ်သက်ပြီး ဘာတွေလုပ်ဆောင် နေပါသလဲ။
ဖြေ။    ။ ကျနော်တို့က ၂၀၀၅ ခုနှစ် ကတည်းက “၀” ပြည်မှာ ဘိန်းစိုက်ပျိုးမှု လုံးဝ ပပျောက်သွားတယ်လေ။ ပြီးတော့ အရေးယူတယ်။ အသက် ၆၀ အောက် မူးယစ်သုံးစွဲသူ အားလုံးကို ဖမ်းတယ်။ ပထမအနေနဲ့ ဘိန်းချက် စခန်းတွေကို ကျနော်တို့ သုံးနှစ်လောက် ဖျက်ခိုင်းတယ်။ ကျနော်တို့က ဘိန်းလည်း မစိုက်တော့ဘူးဗျာ၊ မထုတ်လုပ်တော့ဘူးဗျာ။ မဖြန့်ဖြူးတော့ဘူး၊ ရောင်းဝယ်ဖောက်ကားမှု မရှိတော့ဘူး။ တချို့က ဟိုပြည်ပက လာတဲ့ဘိန်းတွေ ရှင်းရှင်းပြောမယ်ဗျာ၊ ကုန်သည်တွေက သံလွင်မြစ်ကြီးကနေ ခိုးလာရောင်းကြတာတော့ အနည်းအကျဉ်း ရှိတာပေါ့။ တွေ့ရင်တော့ ဖမ်းတယ်။ ထောင်ချတယ်။ မူးယစ်နဲ့ ပတ်သတ်ရင်တော့ ပြင်းပြင်းထန်ထန် အရေးယူတယ်။

မေး။    ။ ၂၀၁၅ ခုနှစ်မှာ ရွေးကောက်ပွဲဝင်ဖို့အတွက် တရားဝင် ပါတီထောင်ဖို့ကိစ္စရော စဉ်းစားနေပြီလား။
ဖြေ။    ။ မလျှောက်သေးဘူး။ အခုကျနော်တို့ “၀” အဖွဲ့က တရားဝင်ပါတီ မထောင်သေးဘူး၊ မလျှောက်သေးဘူး။ ကျနော်တို့ ပါတီက ရှိပြီးသား “၀” ပြည် သွေးစည်းညီညွတ်ရေးပါတီ။ အဲဒါကြောင့် ကျနော်တို့က အသစ် ထပ်ထောင်စရာ မလိုဘူး။ နောင်တော့မသိဘူးပေါ့။ ကျနော်တို့ ဥက္ကဋ္ဌ ပြောဖူးတယ်။ ၂၀၀၈ ခုနှစ် ကတည်းက ဗိုလ်ချုပ်ရဲမြင့် ကျနော်တို့ကို ဒီ ရွေးကောက်ပွဲ ပါဝင်နိုင်ဖို့ ခင်ဗျားတို့ “၀” တရားဝင်ပါတီတခု လျှောက်ပါလား ဆိုတာ ကျနော်တို့ ဥက္ကဋ္ဌ ဖြေဖူးပါတယ်။ ကျနော်တို့ အခုလက်ရှိ ပါတီကိုပဲ အသိအမှတ်ပြုပါမယ်။ ကျနော်တို့ ဒီပါတီရော၊ နောက်ပါတီပါ ထပ်ထောင်ရင် ကမ္ဘာရော၊ မြန်မာပါ မျက်စိလည် သွားမယ်လေ။ အခုအထိ ကျနော်တို့က “၀” ပြည် သွေးစည်းညီညွတ်ရေး ပါတီကိုပဲ ဆက်လက်လုပ်ဆောင်သွားမယ်။ ကျနော်တို့ “၀” က ပါတီရှိတယ်ဗျာ။ “၀” ပြည် သွေးစည်းရေး ပါတီ၊ “၀” ပြည် သွေးစည်းရေး တပ်မတော်၊ “ ၀ ” ပြည်သူ့ အစိုးရဆိုပြီး ရှိပြီးပါပြီ။


မေး။    ။ ဒီပွဲကနေ အစိုးရကို ဘာတွေ တောင်းဆိုသွားမှာလဲ။
ဖြေ။    ။ ၁၉၉၃ ခုနှစ်က စတင်ကျင်းပခဲ့တဲ့ နိုင်ငံတော် ဖွဲ့စည်းပုံ အခြေခံဥပဒေ ရေးဆွဲရေး အမျိုးသားညီလာခံသို့ “၀” ပြည် သွေးစည်း ညီညွတ်ရေး တပ်မတော်က “၀” ကိုယ်စားလှယ်တွေ စေလွှတ်တော့ “၀”  ပြည်နယ် ကိုယ်ပိုင်အုပ်ချုပ်ရေး ရရှိဖို့ စာနဲ့ အကြိမ်ကြိမ် တင်ပြတောင်းဆိုခဲ့ပါတယ်။ အခု ဒုတိယအကြိမ် ငြိမ်းချမ်းရေးကာလမှာ ငြိမ်းချမ်းရေး ဖော်ဆောင်မှု ဒုတိယဥက္ကဋ္ဌ ဦးအောင်မင်းတို့အဖွဲ့ကိုလည်း “၀” ပြည်နယ်ကို ကိုယ်ပိုင်အုပ်ချုပ်ရေး ပေးဖို့ ထပ်မံတင်ပြ တောင်းဆိုခဲ့ပါတယ်။ ယနေ့အထိ နိုင်ငံတော် အစိုးရ အနေနဲ့ “ ၀ ”ကိုယ်ပိုင် အုပ်ချုပ်ရေးရ တိုင်းအဆင့်ကိုပဲ သတ်မှတ် ပေးတဲ့အတွက် မိမိတို့ အနေနဲ့ “၀” ကိုယ်ပိုင် အုပ်ချုပ်ခွင့်ရပြည်နယ် ရရှိဖို့ ဆက်လက်ကြိုးပမ်း ဆောင်ရွက် သွားမှာပါ။ ကျနော်တို့ နောက်ဆုံး အချက်အနေနဲ့ မျှော်လင့်ချက်၊ ရည်မှန်းချက်က ကိုယ်ပိုင် အုပ်ချုပ်ရေး ပြည်နယ် ပေးဖို့ပါပဲ။ ဘာမှမတောင်းဘူး။

မေး။    ။ အခုကရော “၀” က ကိုယ်ပိုင်အုပ်ချုပ်ရေး နယ်မြေအဖြစ် သတ်မှတ်ထားပြီးတဲ့ အပေါ် ဘယ်လိုမြင်ပါသလဲ။
ဖြေ။    ။ အဲဒါကို ပြောရမယ်ဆိုရင်တော့ ဟိုတုန်းက ထုတ်ပြန် ကြေညာပြီးပါပြီ။ “၀” ကိုယ်ပိုင်အုပ်ချုပ်ရေးလို့ အစိုးရက အသိအမှတ် ပြုထားတာပေါ့နော်။ ကျနော်တို့ “၀” အနေနဲ့တော့ မည်သည့် ပါတီမဆို၊ မည်သည့် ပုဂ္ဂိုလ်မဆို “၀” ကိုယ်ပိုင်အုပ်ချုပ်ရေး ဆိုတာကိုတော့ အသိအမှတ်မပြုဘူး။ အစိုးရတော့ပေးပြီ။ ကျနော်တို့ တောင်းတာ “၀” ကိုယ်ပိုင် အုပ်ချုပ်ရေး ပြည်နယ်။ အစိုးရ ပေးတာက “၀” ကိုယ်ပိုင်အုပ်ချုပ်ရေး အတိုင်း ပေါ့နော်။ အဲဒီတော့ ကျနော်တို့လည်း ကိုယ်ပိုင် အုပ်ချုပ်ရေးပြည်နယ် ရဖို့အထိ ဆက်လက်ပြီးတော့ တောင်းဆိုသွားမှာပဲ။

မေး။    ။ အဲဒီ ကိုယ်ပိုင် အုပ်ချုပ်ရေးရဖို့အတွက် ဘယ်အရာက အဓိက ကျမယ်လို့ ထင်ပါသလဲ။
ဖြေ။    ။ အဓိကကတော့ သွေးစည်း ညီညွတ်ရေးပါပဲ။ တိုင်းရင်းသား ညီအစ်ကို မောင်နှမတွေ အားလုံးအတွက်ပေါ့။ အကြမ်းအားဖြင့်တော့ ဒီဆွေးနွေးပွဲက နားထောင်ဖို့ ကောင်းတာပါပဲ။ နိုင်ငံတော် အတွက်ရော၊ ကျနော်တို့ ဒီကချင်ပြည်နယ် တိုင်းရင်းသားတွေ၊ တိုင်းရင်းသားပါတီတွေ အားလုံးအတွက်တော့ ကျနော် နားထောင်တာ အားလုံးကောင်းတာပေါ့။ အလားအလာ ကောင်းတယ်။     ။