မြောက်ကိုးရီးယားက အမေရိကန်ကို စစ်ကြေညာလိုက်တယ်...ဆိုတဲ့သတင်း၊ သတင်းစာထဲမမြင်လိုက်လို့ အင်တာနက်မှာ အတင်းလိုက်ရှာတော့၊ ပဋိပက္ခ အကြီးအကျယ်ဖြစ်နေတာ ။ စစ်သည်တော်အင်အားကိုပဲ ကြည့်ပြီး ခြေလျှင်တပ်နဲ့ တောင်ကိုးရီးယားမြို့တော်ကို အလွယ်တကူဝင်သိမ်း၊ အနိုင်ယူမယ် ဆိုတဲ့ သမရိုးကျ မြောက်ကိုးရီးယားရဲ့ ခြိမ်းခြောက်မှုပါ တရုပ်ရဲ့တပည့် ကွန်မြူနစ်နိုင်ငံဖြစ်ပြီး ဆင်းရဲမွဲတေတဲ့ နိုင်ငံဖြစ်ပါတယ်။ သယံဇာတကြွယ်ဝပေမဲ့ အားလုံးစစ်ရေးမှာပဲ သုံးပစ်ပြီး အသက်၂၉နှစ်သား Kim Jong-un ကို ဘုရင်ပုံစံ ခေါင်းဆောင်တင်ထားတဲ့ ခပ်ကြမ်းကြမ်း မြောက်ကိုးရီးယားကို
ထိန်းမရနိုင်ဖြစ်နေပါတယ်။ ၁၉၉၀လွန်ခေတ်ကလည်း စီးပွားချွတ်ချုံကျ ခြေလျှင်အင်အားကြီးလှတဲ့ မြန်မာစစ်တပ် စစ်သွေးကြွပြီး ထိုင်းနိုင်ငံကို ရန်မူ၊ စစ်ပြင်ခဲ့ဖူးပါတယ်။
အထက်ပါ ဇယားကိုကြည့်ရင် ခြေလျှင်တပ် တစ်သန်းတစ်သိန်း နဲ့ ၇သိန်း အရေအတွက်အားဖြင့်၊ စစ်လက်နက်ပစ္စည်းများမှာ သာလွန်တဲ့အပြင် ညူကလီယာဗုံး ၄လုံးကနေ ၁၂လုံးအထိ မြောက်ကိုးရီးယားက ပိုင်ဆိုင်ပါတယ်။
သို့သော် အမေရိကန်နောက်ခံထားတဲ့၊ ဂျပန်မှာအခြေချ လေတပ်၊ ရေတပ်များနဲ့ နောက်ဆုံးပေါ်နည်းပညာများရှိပါတယ်။ ဒါကြောင့် စစ်နည်းဗျူဟာရှင်များအားလုံးနီးပါးက မြောက်ကိုးရီးယား စစ်ဝင်ရင်တော့ ဆူဆိုက်လုပ်တာပဲ လို့ဆိုပါတယ်။
လူအင်အားနဲ့ကြည့်ရင် တောင်ကိုးရီးယားစစ်သည် အင်အားတ၀က်ပဲရှိပေမဲ့ ကျန်းမာ၊ ကြံခိုင်၊ ခေတ်ပညာတတ်၊ ကျွမ်းကျင်မှုများရှိပါတယ်။ အထူးလေ့ကျင့်ထားသူများဖြစ်ပါတယ်။ လေကြောင်းစိုးမိုးမှုကို ခဏတွင်းမှာ ရယူနိုင်ပါတယ်။ အမေရိကန်တပ်သား ၂၈,၀၀၀ လည်း ရှိနေပါတယ်။ နည်းစနစ်ပိုင်းမှာ မယှဉ်နိုင်ပါ။
မြောက်ကိုးရီးယားမှာ ညူကလီယာဗုံးများနဲ့ ဒုံးပျံပစ်စွမ်းအားတွေ ပိုင်ဆိုင်ထားပါတယ်။ ဓါတုလက်နက်မှာလည်း ကမ္ဘာ့တတိယ အကြီးဆုံးအင်အား တန်ချိန် ၅၀၀၀ ပိုင်ဆိုင်ပါတယ်။ စစ်သည် ၁သန်း၁သိန်း၊ တင့်ကား ၄၁၀၀၊ သံချပ်ကား ၂၅၀၀၊ အမြောက်လက်နက် ၃၀,၀၀၀ ရှိပါတယ်။ ၁၉၅၃ခုနှစ် ကိုးရီးယားစစ်ပွဲနောက်ပိုင်း စစ်တိုက်တဲ့အတွေ့ကြုံ မရှိသေးပါဘူး။ ကိုးရီးယားလက်နက်ကြီးများဟာ ၁၉၆၀ မတိုင်မီက လက်နက်များဖြစ်ပြီး ထက်ဝက်ဟာ ဒီထက်ပိုပြီး ဟောင်းနွမ်းပါတယ်။ BLOOMBERG
ကိုးရီးယားစစ်ပွဲ ၁၉၅၀-၁၉၅၃ (၃နှစ်၁လ)
စစ်ပွဲတွင် တရုပ်၊ ရုရှား၊ မြောက်ကိုးရီးယား ကွန်မြူနစ်နိုင်ငံများနှင့် အမေရိကန်၊ အနောက်နိုင်ငံများ၊ တောင်ကိုးရီးယားတို့ စစ်အင်အားစမ်းပွဲဖြစ်သည်။ မြောက်ကိုးရီးယားစစ်တပ်နှင့် ဆိုဗီယက်စစ်အကြံပေးများ ၂လအတွင်း တောင်ကိုးရီးယားမြို့တော် ဆိုးလ်မြို့တော်ကို သိမ်းပိုက်လိုက်သည်။ အမေရိကန်နှင့် တောင်ကိုးရီးယားတပ်များ အကြီးကျယ်ဆုံးရှုံးမှုမှာ လေကြောင်းအင်အားအကူဖြင့် ၂ပတ်အကြာ ဆိုးလ်းမြို့တော်ကို ပြန်လည်သိမ်းပိုက်ခဲ့ပြီး၊ ရက်ပိုင်းအတွင်း မြောက်ကိုးရီးယားနိုင်ငံမြို့များစွာနှင့် မြောက်ကိုးရီးယားမြို့တော် ပြုံယမ်းအထိ ချီတက်၊ သိမ်းပိုက်နိုင်လိုက်သည်။ တောင်ကိုးရီးယားတပ်များ တန်ပြန်ထိုးစစ်ဖြင့် အနိုင်ရရှိနေချိန် မမျှော်လင့်ပဲ တရုပ်စစ်တပ်ကြီး 25Oct1950 တွင် ရုတ်တရက် ၀င်ရောက်တိုက်ခိုက်မှုကြောင့် အမေရိကန်စစ်သမိုင်းတွင် အရှည်လျှားဆုံ တပ်ဆုတ်ခွာခရီး စတင်ခဲ့ရသည်။ ဆိုးလ်မြို့လည်း ပြန်လည်ကျဆုံးသွားပြီး တရုပ်၊ မြောက်ကိုးရီးယားတပ်များ တောင်ကိုးရီးယားတစ်ခုလုံး သိမ်းပိုက်လုနီးပါးဖြစ်ခဲ့သည်။ အမေရိကန်က ညူကလီယာလက်နက်သုံးလုနီးပါး အရှုံးကြီးရှုံးခဲ့သည်။ အမေရိကန်သမ္မတ ထရူးမင်းက စစ်ဗိုလ်ချုပ်မက်အာသာ MacArthur, နေရာတွင်၊ စစ်ဗိုလ်ချုပ်ရစ်ဝေး Ridgway ဖြင့်အစားထိုးလိုက်သည်။ Jul 1953 တိုင် ၂နှစ်ကြာအောင် အမေရိကန်၊ကုလနှင့်တောင်ကိုးရီးယားတပ်များက တိုက်ပွဲများစွာဖြင့် လက်လွတ်ခဲ့ရသော မြို့၊နယ်မြေများကို ပြန်သိမ်းခဲ့ရသည်။ ၁၉၅၃ ဇူလိုင်လတွင် နေမြဲနေရာများသို့ ပြန်လည်ဆုတ်ခွာပြီး စစ်ရပ်စဲခဲ့သည်။
အမေရိကန် ၊တောင်ကိုးရီးယား စစ်သားများ ၂သိန်းခန့်သေဆုံးပြီး၊ ၆သိန်းခန့် ဒဏ်ရာရခဲ့သည်။
တရုပ်၊မြောက်ကိုးရီးယား စစ်သားများ ၄သိန်းကျော် သေဆုံးခဲ့ပြီး၊ ၇သိန်းခန့် ဒဏ်ရာရခဲ့သည်။
ပြည်သူလူထု ၂သန်းခွဲခန့် သေကြေဒဏ်ရာရခဲ့သည်။
No comments:
Post a Comment