HPYEN MADUNG GADAI TA? (DAW - 4)

 Bum Chyangau
Apr 8, '13

Myen  ga shaga ai majaw dai wa hpe Myen re ngu n-mai tsun nga ai. Hpa majaw i? nga yang- shi a Htunghking lailen ni gaw Miwa akyang lailen rai taw nga ai majaw rai  nga ai. Dai hte maren Lachik mying hkam da ai Zahkung Ting Ying mung Lachik ga mi shaga taw ai nga tim, Lachik Hking mi hpun taw nga ai raitim, shi a kyang  lailen ni  gaw Miwa lailen, Miwa  Htunghking sha rai nga ai. Miwa Htunghking lang taw nga ai, Miwa myit jasat rawng taw nga ai  Zahkung Ting Ying hpe gara hku  Lachik ajet re ngu  tsun lu na ga  ta? Langda u gaw gara hku U Yen Sinwa byin tai wa lu na rai ata?

                   

Khin Nyunt hte Ne Win shan yan a kahpu ba ni hte hkrum nga jang

 Dai ni- Munghpawm Myen mungdan e Jinghpaw mying, Sam mying, Myen mying shamying nna nga taw ai Miwa ni gayet sat nma rai nga ai. Dai majaw mung- Jinghpaw, Kayin, Sam, Myen, Yakhaing, Mun nga nna sha nga ai Munghpawm Myen mung dan gaw- Mungchying sha amyu (130) jan pyi anga wa sai da. Mau sa. Mau sa. Lachyum gaw Munghpawm myen mungdan de Miwa ni grai kaput shang wa sai ngu ai lachyum rai nga ai. Dai Miwa ni hta - Ting Ying gaw Lachik amyu Zahkung mying shamying da ai zawn,  Myen mying shamying nna Budda naw masu taw ai Miwa ni grai law nga ai. Dai ni hta na  n-kau mi hpe tang madun dan mayu nngai. Dai ni gaw-

                          (1). Bochuk  Ne Win……………..( Minnam Miwa / Kaga mying- Bho Chu Mg /Kanu gaw Lagaw kaji ai baw Miwa Pante amyu re).

                        (2). Bochuk  San Yu………………..( Yu Nan Miwa).

                        (3).Bochuk  Mg Aye………………..(Minnam Miwa).

                        (4).Bochuk Khin Nyunt…………..(Kawngtung Miwa).

                        (5).Bochuk Kyaw Ba……………….(Yu Nan Miwa).

                        (6).Bochuk Tin Awng Myint Oo..(Yu Nan Miwa).

                        (7).Bochuk Myo Tant……………..(Minnam Miwa).

                        (8).U Sai Mauk Kham……………..(Ningtau Thamada/ Sam mying shamying da ai Yu Nan Miwa)…..ni rai ma ai. Kaga mung masa lam de na ni mung grai naw nga ai. Lachyum gaw- 1962- ning Ne Win prat kaw nna dai ni 2013-ning du hkra Munghpawm Myen mungdan hpe Miwa ni up sha taw nga ma ai re. Dai lam hpe shanhte Myen ni ya she dum hprang tim, Mung masa, Hpyen masa, Sut masa lam ni yawng hta Miwa ni shara  la ngut chyalu rai mat masalu ai. Myen mung ting hpe Miwa ngu ai Baren Numraw ma-ut mayu da taw ai gaw- Jinghpaw mung Baw daw loi  mi sha ngam sai re. Dai pyi naw ya- Chiphwe, Law Hkawng de na Molybdenum N-hprang sut rai ni hpe shanhte Miwa ni madu sha lu na matu Zahkung Ting Ying hpe” Pyitu Tsit”(600) jan hte Shanglawt KIA Dap Ba (1), Dap dung (10)  ginra de lung gasat shangun lai wa sai n-rai?  Dai  PyiTuTsit (600) jan  gaw- Lawngwaw, Lachik, Lisu ni re da.  Anhte Bumga kaw Yi Hkyen sha ai Hpu nau ni dai ram n-nga ai. Myen mung de Miwa shang wa ai hpe n-chye na matu Lawngwaw, Lachik, Lisu mying hte Media hkan n-sen shapoi nna , ahpre magap kau ai lam sha rai nga ai. Dai (600) jan hta, yawng hkra ngu na daram gaw Miwa Communist ni chyu rai nga ai.

                                                
Teng sha nga yang - Zahkung Ting Ying a NDAK hpung ni gaw 2009- ning hta  Jarit sin dap “ Boarder Guard Force” hpe hkap la nna, hpyen ma (300) sha tawn na ahkang lu mat sai re. Dai pyi kata lam chye na matu Myen ni loi li naw matep lawm nga ai. Ganang na Shanglawt ni hpe wa gasat na Zahkung Ting Ying a Pyitu tsit (600) jan dawng gale pru wa a ta? Mahtai gaw asan sha rai nga ai. Grau nna Zahkung Ting Ying hpe Miwa re chye mat,shi a chyahkyawn myit kyang ni  hpe chye mat ai Myu tsaw, mungtsaw ai Lachik hte Lawngwaw hpu nau ni yawng hkra ngu na daram  Shanglawt KIA hte pawng nna Zahkung Ting Ying hpe bai n-htang gasat taw nga sai re. Hpang jahtum Dap run mat ai Zahkung Ting Ying gaw masha marai mi gumhpraw Sen hkun hkun jaw nna, pyitu tsit bai lahkawn lam shiga ni hta na chye lu nga ai. s Raitim dai ni gaw- shawng lam de du ai shaloi “Anhte Jinghpaw she rai ga ai law”…nga - Sinat kabai nna hprawng dumbre mat ma ai lam chye lu ai. Ka-ni ya ni a gumhpraw gan gawat sha ai lam ni sha rai nga ai. Zahkung Ting Ying wa Ka-ni ya Baw nu n-dep mat salu ai. Nau kri ai Tauleng manya shachyoi hkrum nu ai re.

                                                
Raitim  PyituTsit mying hkam Miwa (600) jan kaw matep lawm nna si hkala hkrum ai saidaw saichyen ni a matu gaw yawn hpa kaba rai nga ai. Dai Bunglat hka ni hpe Zahkung Ting Ying lani mi na aten hta wa nan bai wa ra na rai nga lu ai.

                                         

       

Tsawra ai W-P myu sha Lachik, Lawngwaw, Zaiwa, Rawang hpu nau ni e….dai ni anhte a Wunpawng mungdan hpe anhte nan makawp maga la ra saga ai. Anhte a Hpyen Madung rai nga ai Miwa Communist ni hte shi a hpang hkan Gwiran Zahkung Ting Ying hpe anhte a W-P mungdan kaw nna ninghpu hte hput, gasat anut gawt shale kau ra saga ai.

                                               
 Hkum mau nga sa. Hkum myit sa. Nang hpe Pugang Sin machyi ai myu W-P sha ni la dingda nga ga ai. Annau, an hkau ni lahkrip ra ra hte  myit mang sa let Awm Dawm Shanglawt ai  “Gumrawng Gumtsa Wunpawng Jinghpaw Mungdan” hpe lawan ladan gaw de sa wa na aten ladaw nan rai nga saga ai law.

           

                       
 Myutsaw/ Mungtsaw ai-

   Bum Chyangau