ဗြိတိသျှခေတ် ဗမာပြည်နှင့် တိုင်းရင်းသားဒေသများ (Frontier Areas)- ကျားပေါက်

၁၉၃၇ ထိ အန္ဒိယလက်အောက်ခံပြည်နယ် အနေနဲ့ ရှိနေခဲ့တဲ့ ဗြိတိသျှခေတ်ဗမာပြည်

အင်္ဂလိပ်ကိုလိုနီခေတ် ကာလမှ လွတ်လပ်ရေး ရချိန်အထိ တိုင်းရင်းသား နယ်မြေများ အနေအထား တိုင်းရင်းသား လူမျိုးများ၏ နယ်မြေများ နေအထားများကို သမိုင်းအရ ခြုံငုံ၍လေ့လါ စမ်းစစ်ပါက ပဒေသရာဇ်ခေတ် မှစ၍ 1948 လွတ်လပ်ရေးခေတ်ဦးမှ ယနေ့ထိ {State of Burma} အနေဖြင့် နယ်မြေများ တစုတစည်းတည်းအတွင်း နေထိုင်ကြသည်မဟုတ်ပါ။

မိမိနယ်မြေဒေသအလိုက် လူမျိုးစုအလိုက် သီးခြားနေထိုင်လာခဲ့ကြသည်မှာ မြန်မာနိုင်ငံဟု မပေါ်ပေါက်သေးမီ ရှေးပဝေသဏီထဲမှ သီးခြားနယ်မြေစီ နေထိုင်လာခဲ့ကြကြောင်း သမိုင်းအချက်အလက်များက ပြဆိုနေပြီးဖြစ်သည်။

ပဒေဇရာဇ်ခေတ်တွင် မင်းလက်နက်ကိုင် နိုင်ငံများထူထောင်ရန် အာဏာပြိုင်ကြရာမှ လူမျိုး အချင်းချင်းလည်း တိုက်ခိုက်ကြ သကဲ့သို့ အခြားလူမျိုး များနှင့်လည်း တိုက်ခိုက်ခဲ့ကြသည်။

အထူးသဖြင့် မွန် မြန်မာ သျှမ်း သုံးပွင့်ဆိုင် အားပြိုင်မှုကြီးပေါ်ပေါက်ခဲ့သည်။ တိုင်းရင်းသား လူမျိုးများသည် ကိုယ့်ထီး ကိုယ့်နန်း၊ ကိုယ့်ကြငှန်းနှင့် ကိုယ့်ဘုရင်၊ ကိုယ့်စော်ဘွား၊ ကိုယ့်စောဖျား၊ ကိုယ့်ဒူဝါ၊ ကိုယ့်တောင်ပိုင်၊ကိုယ့်တောင်အုပ်များဖြင့်ထီးဖြူဆောင်း၊ ရွှေထီးဆောင်း ရွှေဓါးကိုလွယ် ငွေဓါးလွယ်ကိုင် ဟော်နန်း ပလင် သရှင်သခင်ဖြင့် အစဉ်သဖြင့်နေထိုင် လာခဲ့ကြခြင်းဖြစ် ကြောင်းတွေ့ရှိရသည်။

ကုန်းဘောင်ခေတ်တွင်ပင် မြန်မာဘုရင်များသည် သျှမ်းစော်ဘွား နယ်များအား တိုက်ရိုက်အုပ်ချုပ်ခြင်းမရှိ ပဏာဆက်နှိင်ငံနေဖြင့်၎င်း အချို့တောင်းတန်းဒေသများမှာ မြန်မာဘုရင်၏ သြဇာသက်ရောက်မှု လုံးဝမရှိခြေ၊ စုစည်းပြီး စည်းလုံးညီညွတ်သော တိုင်းရင်းသားများ နယ်မြေကို နယ်ချဲ့အင်္ဂလိပ်က လာရောက်ပိုင်းခြားခြင်းဖြင့် စိတ်ဝမ်းကွဲပြားမှုရှိသည် ဟူသော အယူအဆသည် နယ်ချဲ့ဆန့်ကျင်ရေးတရားပွဲများ ခေတ်ကာလတွင်း အာပေါင်အာရင်း သန်သန်ဖြင့် ဟောပြော၍ ကောင်းသော အဆင့်တွင်သာရှိသည်။ အမှန်မှာ မှုလကပင်သီးခြား စီတည်ရှိကြသည့် တိုင်းရင်းသား လူမျိုးနယ်မြေများ အင်္ဂလိပ်တို့ သိမ်းပြီးသောအခါ၌လည်း သီးခြားစီခွဲခြား အုပ်ချုပ်ခြင်းဖြစ်ကြောင်း သိရသည်။

၁၉၃၇ သီးခြားကိုလိုနီဖြစ်လာပြီးနောက်ပိုင်း ဗြိတိသျှဗမာပြည်အလံ

(က) တိုင်းရင်းသားများနယ်မြေများကို အပိုင်း (၄)မျိုး ပိုင်းခြားထားကြောင်းသိရှိရသည်

အပိုင်း (၁) ရခိုင်ဒေသ၊ မွန်ဒေသ၊ ဗမာဒေသများကို ပေါင်းလျှက် ဗမာပြည်မ {Burma Proper} ဟုခေါ်ဝေါ်သုံးစွဲ လာသဖြင့် မြန်မာပြည်၊ မြန်မာနိုင်ငံဟူ၍ ကမ္ဘာပေါ်တွင် စတင်ပေါ်ပေါက်သုံးစွဲလာသည်။ အင်္ဂလိပ်အစိုးရ တိုက်ရိုက်အုပ်ချုပ်သည့် နယ်မြေဖြစ်ပြီး နောင်တွင် ၉၁ ဌာန၀န်ကြီးအစိုးရ အုပ်ချုပ်သည့်နယ်မြေဖြစ်သည်။ ယနေ့ လက်ရှိမွန်ပြည်နယ်နှင့် ရခိုင်ပြည်နယ်သည် အင်္ဂလိပ်အစိုးရ လက်ထက်မှ ၁၉၇၄ ခုနှစ်အထိ ဗမာပြည်မတွင် ထည့်သွင်းထားသည်။

ယခု စစ်ကိုင်းတိုင်းသည် ဗမာပြည်မနယ်မြေအစိတ်အပိုင်းအပြင် Part One (ခေါ်) ဇယား (၁)၊ ကိုယ်ပိုင်အုပ်ချုပ်ခွင့်ရ နယ်မြေများဖြစ်သာ အနောက်ဖက်သျှမ်းပြည်ဖြစ်သည့် သောင်သွတ်နယ်၊ ဆင်ကလိုက်ခန္တီးနယ်၊ ခန္တီးနယ်၊ ခန္တီးလုံနယ်၊ ဆောမရ နယ်ပယ် (ခေါ်) နာဂတောင်တန်းဒေသ၊ အထက်ချင်းတွင်း ဒေသနယ်မြေငါးခုအပြင် အင်္ဂလိပ်ဘုရင်ခံက အုပ်ချုပ်ရေးသီးသန့်ထားရှိသော Part Two (ခေါ်) ဇယား (၂) နယ်မြေဖြစ်သည့် အထက်ချင်းတွင်း စီရင်စုရှိ ဟုမ္မလင်း ဆမ်ဒီဝီဇံ၊ တမှုးမြို့နယ် မောလိုက်ကျေးလက်ဒေသ အသီးသီးစုစည်းပါဝင်သည်။

အပိုင်း (၂) ကရင်နီ စောဖျာနယ်များ စုစည်းထားသော ကရင်နီပြည် (ဗမာမင်းတုန်းမင်းကိုစား ကင်းဝန်မင်းကြီးနှင့် အင်္ဂလိပ်ဘုရင်ခံ ကိုယ်စား ဆာဒေါက်ကလပ်ဖေါ့ဆက်တို့ ၁၈၇၅ ခု၊ ဇွန်လ ၂၁ ရက်နေ့တွင် ချုပ်ဆိုထားသော စာချုပ်အရသီးခြားလွတ်လပ်သော နယ်မြေအဖြစ် ဆက်လက် အသိအမှတ်ပြုထားသော နယ်မြေဖြစ်သည်။ အင်္ဂလိပ်က စိတ်ကြိုက်နယ်နိမိတ်သတ်မှတ်ထားပြီး ယခုလက်ရှိ ကရင်နီပြည် ဖြစ်သည်။

အပိုင်း (၃) တောင်ကြီး၊ ကလော၊ မေမြို့၊လားရှိုး၊ လွိုင်လင်၊ လွိုင်မွေ၊ သံတောင် စသည့်မြို့များ (တောင်ပေါ်စခန်းမြို့များအဖြစ် သီးသန့်အုပ်ချုပ်ရေးထား ရှိသည်။ ယခုမေမြို့သည် မန္တလေးတိုင်းတွင် လည်းကောင်း၊ သံတောင်မြို့သည် ကရင်ပြည်တွင်လည်းကောင်း၊ တောင်ကြီး၊ လာရှိုး၊ ကလော၊ လွိုင်လင်၊ လွိုင်မွေမြို့များသည် သျှမ်းပြည်တွင်ပါဝင်သည်။

အပိုင်း (၄) တောင်တန်းဒေသ များဟူ၍ အထက်ပါအတိုင်း အပိုင်း (၄)မျိုး ပိုင်းခြားတည်ရှိကြောင်းတွေ့ရှိရသည်။

တောင်တန်းဒေသများဟု ခေါ်ဝေါ်သည့် နယ်မြေများထဲတွင် Part One (ခေါ်) ကိုယ်ပိုင် အုပ်ချုပ်ခွင့်ရ နယ်မြေများ (၁၀) ခုနှင့် Part Two (ခေါ်) ဘုရင်ခံက အုပ်ချုပ်ရေးသီးသန့်ထားရှိသော နယ်မြေများ (၃) ပိုင်းဟူ၍ အောက်ပါအတိုင်း နှစ်မျိုးထပ်မံ သတ်မှတ်ထားကြောင်းတွေ့ရှိရသည်။

(ခ) တောင်တန်းဒေသများ {Part One} ခေါ်တွင်သည့်နယ်မြေများ

Government of Burma Act-1935

SECOND SCHEDULE Areas in Burma to which special provisions apply:

Part One - { ကိုယ်ပိုင်အုပ်ချုပ်ခွင့်ရ နယ်မြေများ }

(၁) The Federated Shan States as specified in Notification No.31, dated 27th September 1922, of the Political Department of the Government of Burma as amended by any subsequent notification made before the commencement of this Act ဖက်ဒရယ်ပြည်ထောင်စု သျှမ်းပြည် (ယခု လက်ရှိ သျှမ်းပြည်ဖြစ်ပြီး သျှမ်းစော်ဘွားများ Part One နယ်မြေများဖြင့်သာ စုစည်းပါဝင်သည်။)

(၂) The Shan States specified in Notification No.41, dated 5th October, 1922, of the Political Department of the Government of Burma, as amended by any subsequent notification made before the commencement or this Act other than the Federated Shan State. ဖက်ဒရယ် သျှမ်းပြည်ထောင်စုတွင် ထည့်သွင်းခြင်းမပြုသည့် သျှမ်းစော်ဘွားနယ်ဖြစ်သော သောင်သွတ်နယ်၊ ဆင်ကလိုက်ခန္တီးနယ်၊ ခန္တီးလုံနယ်တို့ဖြစ်သည်။ (ယခုလက်ရှိ စစ်ကိုင်းတိုင်း မြောက်ပိုင်းတွင် စုစည်းပါဝင်သည်။)

(၃)The Arakan Hill Tracts. ရခိုင်တောင်တန်းဒေသများ (ခေါ်) ပလက်ဝဒသနှင့် မြောက်ပိုင်းရှိ တောင်တန်းဒေသများ။ (ယခု ချင်းပြည်နယ်တွင် စုစည်းပါဝင်သည်။)

(၄) The Chin Hill District. ချင်းရမ်အုပ်များနယ်မြေ ချင်းတောင်တန်းဒေသ၊ (ယခု ချင်းပြည်တတွင်ပါဝင်သည်။ လက်ရှိချင်းပြည်သည် ချင်းရမ်အုပ်နယ်မြေများနှင့် Part One ရခိုင်တောင်တန်းဒေသနယ်မြေ များဖြင့် စုစည်းပါဝင်သည်။

(၅) The Kachin Hill Tracts of the Myitkyina, Bhamo and Katha District. မြစ်ကြီးနား၊ ဗန်းမော်နှင့်ကသာ၊ စီရင်စုများအတွင်း ကချင်ဒူဝါးများ နယ်မြေ၊ ကချင်အမျိုးသားများနေထိုင်သည့် ဒေသဖြစ်သည်။ (ယခု ကချင်ပြည်တွင် ပါဝင်သည် လက်ရှိ ကချင်ပြည်သည် ကချင်ဒူးဝါးနယ်မြေများ၊ Part One နယ်မြေများနှင့် Part Two နယ်မြေများဖြင့် စုစည်းပါဝင်သည်။)

(၆) The Somra Tract. ဆော်မရနယ်ပယ်။ (နာဂတောင်တန်းဒေသ လက်ရှိစစ်ကိုင်းတိုင်း မြောက်ပိုင်းတွင် စုစည်းပါဝင်သည်။)

(၇) They are Known as the Triangle. တြိဂံနယ်မြေဆိုသည့် မေခနှင့် မလိခမြစ်နှစ်သွယ်ကြားရှိဒေသ။ (ယခု ကချင်ပြည်နယ်တွင် စုစည်းပါဝင်သည်။)

(၈) The area Known as the Hukawing Valley lying to the north of the Upper Chindwin District. အထက်ချင်းတွင်းဒေသနှင့် ဟူးကောင်းတောင်ကြား ဒေသဖြစ်သည်။ (ယခု စစ်ကိုင်းတိုင်းမြောက်ပိုင်းနှင့် ကချင်ပြည်တွင် စုစည်းပါဝင်သည်။)

(၉) The Salween District. သံလွင်ခရိုင်ဖြစ်သည်။ (ယခု ကရင်ပြည်တွင်ပါဝင်သည်။ ၁၉၅၂ ခုနှစ်၊ နိုဝင်ဘာ (ရ) ရက်နေ့တွင် သံလွင်ခရိုင်ခေါ် ဖာပွန်နယ်နှင့် ဘားအံ၊ လှိုင်းဘွဲ့၊ သံတောင်နယ်များကို စုစည်း၍ ကရင်ပြည်အဖြစ် သတ်မှတ်သည်။ ၁၉၅၄ ခုနှစ် ဇွန်လ (၁) ရက်နေ့တွင် ကော့ကရိတ်နှင့် ကြာအင်းဆိပ်ကြီးနယ်များအပါဝင် ကရင်ပြည်အဖြစ် တိုးချဲ့သတ်မှတ်သည်။ ထို့ကြောင့် လက်ရှိကရင်ပြည်သည် Part One နယ်မြေနှင့်

Part Two နယ်မြေများဖြင့် စုစည်းပါဝင်သည်။

(၁၀) All tribal territories which at the date of coming into operation of this Act are unadministered.

အင်္ဂလိပ်အုပ်ချုပ်ရေး လုံးဝလက်လှမ်း မမီသော နယ်မြေဒေသများ။ (ဥပမာ “ ၀” စော်ဘွားနယ်မြေ Wa State ယခုလက်ရှိ သျှမ်းပြည်တွင် စုစည်းပါဝင်သည်။

အထက်ဖေါ်ပြသော Part One နယ်မြေများ (၁၀) ခုသည် သီးခြားကိုယ်ပိုင်အုပ်ချုပ်ခွင့် ရှိသော နယ်မြေများဖြစ်ပြီး၊ အင်္ဂလိပ်ဘုရင်က လုံးဝတာဝန်ယူထားသည်။ ဗမာပြည်မ ၀န်ကြီးအဖွဲ့အစိုးရက ၀င်ရောက် စွတ်ဖက်ပိုင်ခွင့်မရှိချေ။

တောင်တန်းဒေသများ Part Two ခေါ်တွင်သည့်နယ်မြေများ

(၁) Such Part of the Myitkyina and Bhamo Districts as are not included in Part One of this Schedule.

-Part One မပါဝင်သည့် မြစ်ကြီးနား၊ ဗန်းမော်တို့မှ အစိတ်အပိုင်းများ။ (ယခု ကချင်ပြည်တွင်စုစည်း ပါဝင်သည်)

(၂) Such Parts of the Upper Chindwin District as constitute the Homalin sub-division together with the village tracts which were included in the former Tamu township of the Mawlaik sub-division on the preceding abolition. -အထက်ချင်းတွင်း စည်ရင်စုရှိ ဟုမ္မလင်းဆမ်ဒီဝီဇံ၊ ယခုတမှုးမြို့နယ် မော်လိုက်ကျေးလက်ဒေသများ (ယခု စစ်ကိုင်းတိုင်းမြောက်ပိုင်းတွင် စုစည်းပါဝင်သည်။)

(၃) The Kyain township, the Myawady Circle of the Kawkareik township, and so much of the Karen Hill tracts in the eastern half of the Toungoo District and the Thaton District as be prescribed by His Majesty in Council. -ကြာအင်းမြို့နယ်၊ ကောကရိတ်မြို့နယ်မှ မြ၀တီတိုက်နယ်၊ တောင်ငူစီရင်စု အရှေ့ဘက်ခြမ်းနှင့် သထုံစီရင်စုရှိ တောင်တန်းဒေသများဖြစ်သည်။ (ယခု ကရင်ပြည်တွင် စုစည်းပါဝင်သည်။)

ဒေသများသုံးခုသည် ဗမာပြည်မ၀န်ကြီးအစိုးရ အဖွဲ့က အကြံညဏ်ပေးနိုင်သော်လည်း ဘုရင်ခံ၏ အဆုံးအဖြတ်သည်သာ အဓိကအတည်ဖြစ်သည်။

အထက်ဖေါ်ပြပါ ဗမာပြည်မ၊ ကရင်နီပြည်၊ တောင်ပေါ်စခန်းမြို့များ၊ Part One တောင်တန်းဒေသများ (၁၀)ခုနှင့် Part Two တောင်တန်းဒေသများသုံးခု နယ်မြေများအားလုံးသည် အင်္ဂလိပ်အစိုးရ လက်ထက်မှ လွတ်လပ်ရေးရရှိသည့် အချိန်ထိ တိုင်းရင်းသား လူမျိုးများ၏ နယ်မြေများ အနေအထားမှန်ဖြစ်သည်။

(ကျားပေါက် ၏ ဆောင်းပါးကို အင်ဂွန်ဂျာဝါ ထုတ်နှုတ်ဖော်ပြသည်)